Aprubado na ang ginapangayo nga budget para sa rennovation sang Bacolod-Silay airport.
Sa pahayag ni Bacolod City Mayor Alfredo “Albee” Benitez, ginpangayo na sini ang program of works sang Civil Aviation Authority of the Philippines (CAAP) sa kun paano gamiton ang P205 million budget.
Apang ginpasalig sa iya nga ifinalize lamang ang program of works kag ini ang ginahulat na lamang sang alkalde agud makahatag man sang iya suhestyon.
Suno kay Benitez, nagasugod na ang ginapatigayon nga rennovations, apang aminado ini nga kinahanglan kuntani sang mas dako nga airport bangod nagadamo na ang flights kag lauman nga magadamo man ang turista.
Tawagon man sini ang atensyon sang CAAP sa pag-address sang safety issues sang mga pasahero.
Suno sa alkalde ang Bacolod-Silay airport ang indi kaangay sa Ninoy Aquino International Airport (NAIA) Terminal 1 kun sa diin yara lamang sa atubang sang entrance ang parking space, gani indi na kinahanglan ang pagplastar sang bollard.
Pahayag sini nga malayo ang parking area sa mga alagyan kun sa diin madamo sang mga pasahero.
