Mayor Albee Benitez, magapangayo sang bulig sa national government angot sa balayran sang Bacolod City para sa nag-expire nga bakuna batok sa COVID-19

Magapangayo ang alkalde sa syudad sang Bacolod sang bulig nagikan sa national government angot sa balayran para sa nag-expire nga mga bakuna batok sa COVID-19.

Suno kay Bacolod City Mayor Alfredo Benitez, nabaton na nila ang original nga kopya sang multi lateral agreement sang syudad kag AstraZeneca Pharmaceuticals Philippines Incorporated.

Nagpanukot sang P98 million ang AstraZeneca sa syudad para sa 434,000 doses sang vaccines.

Apang ginareview na sang City Legal Office ang kontrata matapos nga kapin sa 334,000 doses sang bakuna ang nag-expire na sa Department of Health Central Office.

Sang damlag lang ginpahayag sang alkalde nga indi magbayad ang syudad para sa nag-expire nga bakuna nga wala madeliver sang AstraZeneca.