Ginpa-imbestigaran ni Bacolod City Mayor Alfredo ‘Albee’ Benitez ang resulta sang ginpatigayon nga convention sang nga convention sang Team Asenso sa ciudad sang Bacolod.
Sang Dominggo, ginpatigayon ang convention sa mga brgy sa ciudad agud nga pilian kun sin-o ang ibutang sang grupo para sa duha ka nabilin nga pwesto sa pagkakonsehal.
Nagpapili para sa posisyon amo sanday former councilor Homer Bais, Brgy. 26 Punong Barangay Jhun Marby Orola, Rico Ferdinand Villafuerte, Brgy. 40 Punong Barangay Elmer Villanueva, Brgy. 34 Punong Barangay Teodoro Yulo kag Brgy. Vista Alegre Punong Barangay Jose Maria Leandro Norberto De Leon.
Sa initial result, nagpanguna sanday Yulo nga may yara sang 10,910 ka boto kag De Leon nga may 9,440.
Nagasunod naman amo sanday Bais nga may 8,809; Orola nga may 7,276; Villanueva nga may 1,999 kag Villafuerte nga may 1,303.
Suno sa alkalde, una na ini nga nagwarning nga dapat patas ang pagpatigayon sang convention.
Apang bangod nga may nabaton ini nga may yara sang discrepancy sa pagbinotohay, magapatigayon ini sang imbestigasyon kag kun may yara gid man sang indi insakto sa proseso, iga-invalidate sini ang resulta sang convention.
