Naghinugyaw ang masobra kwatro mil nga manunudlo sa ciudad sang Bacolod matapos ang pag-anunsyar ni Bacolod City Mayor Alfredo “Albee” Benitez nga pasakaan ang ila Emergency Cost of Living Allowance (E-Cola).
Kadungan sa programa nga ginpatigayon sa SMX Convention Center sa SM City Bacolod para sa World Teachers’ Day, naghatag sang mensahe ang alkalde para sa mga public school teachers.
Suno diri, idihon pa sa Sangguniang Panlungsod, apang ginbatun sini ang rekomendasyon sang Committee on Education sa pagpanguna ni Councilor Al Victor Espino sa pagpasaka sang E-Cola.
Nahibaluan nga P2,000 ang monthly e-cola nga ginabatun sang mga manunudlo.
Sa karun, wala pa matumod kun pila ang madugang sa benepisyo bangod ini ang tun-an pa sa konseho.
Antes paman ang World Teachers’ Day celebration, una na nga naglapta ang impormasyon nga may good news nga mabatun ang mga manunudlo gikan sa alkalde.
Nakabatun man sang tig-lima ka kilo nga bugas ang mga manunudlo sa nasambitan nga programa
