Ginalantaw sang alkalde sang Bacolod City ang posibilidad nga ipaidalum sa Public Private Partnership ang Bacolod City General Hospital.
Suno kay Bacolod City Mayor Alfredo ‘Albee’ Benitez, may pila na ka offer nagikan sa mga private sector nga luyag mangin kabahin sa pagpatukod sang Bacolod City General Hospital.
Aminado man ini nga indi sarang sang ciudad ang pagdumala sa maintenance kag manpower sang ospital, amo nga luyag sini nga ipaidalum sa PPP ang ospital bangod wala ini sang expertise kag manpower para mag-operate.
Pamaagi sa PPP mahimo nga maka-contribute ang private sector sa ospital.
Ginhingyo man sang alkalde nga I-review ang claims sang Phil Health agud mapalapad sini ang nasakupan nga mga kaso nga ginsuprer sang mga pasyente kag madamo sang mahatagan sang bulig.
Ang pag-assess sa Phil Health ang agud man masigguro nga mahatag sang gobyerno ang supesyente nga bulig para sa pasyente.
Samtang, pagasturyhanan pa kun ano ang lakat sang Public Private Partnership, kun ang pagpatukod sang building, equipment kag manpower kag sturyahan ang sharing basis ukon 50/ 50 ang tungaay.
Ginalauman nga mahuman ang Bacolod City General Hospital sa tuig 2025.
