Ginpahayag ni Senator Sherwin Gatchalian nga wala ginhomeschool ni “Teacher Rubilyn” si suspended Bamban, Tarlac Mayor Alice Guo santo sa ginaclaim sang alkalde kundi siya ang nag-eskwela sa isa ka buluthuan sa Quezon City humalin 2000 tubtob 2003.
Ang mga school records nga nakuha ni Gatchalian ang nagapakita nga si “Guo Hua Ping,” ang Chinese nga babaye nga ginapatihan nga si Guo, ang nag-eskwela sa Grace Christian High School masobra duha ka dekada na ang nakaligad.
Suno kay Gatchalian, nag-eskwela ini sa kaangay nga gin-eskwelahan ni Gatchalian sa Grace Christian High School para sa grades 1, 2 kag 3 sang tuig 2000 tubtob 2003.
Suno diri, wala ini ginahomeschool ni Rubilyn kag siya ang nag-eskwela gid sa isa ka buluthuan.
Gin-alegar man sang Senador nga ang birth certificate nagikan sa China ang nalakip sa mga enrollment documents ni Guo kun sa diin nakabutang nga ang iloy sini amu si Wen Yi Lin samtang ang iya amay amu si Jian Zhong Guo.
