Pabor si Bacolod City Mayor Greg Gasataya nga islan nalang sang solar streetlights ang gina-install nga solar pavement studs sa mga dalan.
Madumduman nga ginpa-untat sang Department of Public Works and Highways ang installation sang solar pavement stud sang DPWH-Bacolod sa Lacson Street, Bacolod City agud masegurado nga wala sang overpricing.
Sa interview kay Mayor Greg, siya ang gin-estorya ni Congressman Alfredo “Albee” Benitez nga nagsuhistyon nga imbes nga solar pavement stud, solar streetlights na lamang ang i-install sa dalanon agud mas malapad ang masakop.
Kumpormi man diri si Mayor Greg, apang hibaluon pa kung sarang ma-utilize ang budget.
Suno sa alkalde, ang budget ang indi sakop sang National Expenditure Program, kag ini ang gikan sa General Appropriations Act.
Ini ang nagakahulugan nga ang inclusion ang gikan sa Senado, kun sa diin yara sa duha tubtob tatlo ka proyekto ang gindagdag sa Bacolod City.
Kung mapahanugutan, ginalantaw nila ang pag-install sang solar streetlights sa Bangga Pepsi sa boundary sang Bacolod kag Talisay City.
Kag magapangita sang iban pa nga area nga nagakinahanglan sang suga.
