Isa sa mga successful blood donor si Valladolid Municipal Mayor Enrique “Bebot” Miravalles sa “Dugong Bombo 2024: A Little Pain, A Life to Gain” sang Bombo Radyo Philippines in partnership sa Philippine Red Cross.
Suno sa alkalde siya ang pito ka beses na nga nagadonar sang dugo sa tuigan nga Dugong Bombo.
Nagapati ini nga importante ang pagdonar sang dugo ilabi na nga sa indi mapaktan nga kahigayonan, mahimo manginahanglanon sang dugo ukon ang mga pamilya kag malapit nga abyan, mahapos na lamang nga maka-access sang dugo sa Philippine Red Cross pinaagi sa Bombo Radyo.
Dugang pa niya nga sa pagdonar madamo man ang sarang mabuligan nga mga nagakinahanglan sang dugo.
Pahayag sang alkalde nga maayo man sa lawas nga ma-islan ang dugo, bangod kun ipaanggid sa makina nga nagachange oil, sa pagdonar sang dugo, mareplinish man ukon maislan sang bag-o ang dugo sang tawo.
