Ginkumpirmar sang alkalde sang ciudad sang Bacolod nga magaupod ini sa session sang Sangguniang Panlungsod sa Miyerkules, Hunyo 6.
Suno kay Bacolod City Mayor Alfredo Benitez, magaupod ini sa session agud nga makahatag man sang iya nga welcome remarks.
Samtang sa una nga adlaw bilang alkalde, ginlibot man sini ang mga opisina sa Bacolod City Government Center (BGC) kag nakita nga madamo sang guba nga aircons.
Suno kay Benitez, may yara na sang request agud nga maislan ang mga aircon.
Ginpahayag man sang alkalde nga sa sulod sang isa ka semana sumugod subong nga adlaw magadihon sila sang clustered departments para sa finance, social services, infrastructures kag economic.
Suno sa alkalde, isa man sa tinutuyo nila nga planuhan sang mas temprano ang mangin budget para sa madason nga tuig.
Suno kay Benitez, ang ginpagwa sini nga duha ka memorandum ang ginalakipan memorandum number 1, ang pagbutang sang mga empleyado kun sa diin nagakaangay ang ila nga kapasidad samtang ang isa ka memorandum ang para sa budget sa madason nga tuig.
Ang mga department heads ang ginhatagan man sang wishlist ukon proposal sa pag-improve sang ila mga departmento.
