Nagpasalamat si Bacolod City Mayor Evelio Leonardia sa mga miyembro sang Sangguniang Panlungsod sa paghatag sa iya sang otoridad para magpirma sa kontrata kaupod ang AstraZeneca angot sa pagbakal sang COVID vaccine.
Nahibaluan nga kadungan sini, ginhatagan man sang City Council si Leonardia sang otoridad nga magpirma sa Confidentiality Agreement sa tunga sang AstraZeneca Pharmaceuticals (Philippines) kag City of Bacolod angot sa proposed business arrangements para sa availability kag distribution sang vaccine.
Nagpasalamat si Leonardia sa mga miyembro sang Sangguniang Panlungsod sa gilayon nga pag-apruba sa iya request nga magpirma sa non-disclosure agreement kaupod ang AstraZeneca kag multilateral agreement sa tunga sang AstraZeneca, National Task Force Against COVID-19, Department of Health, kag City Government ng Bacolod.
Ang authority to sign ang ginhatag matapos makigsapol sa AstraZeneca ang League of Cities of the Philippines (LCP) kun sa diin national president si Leonardia, LCP Committee on Vaccine Availment nga ginapangunahan ni Iloilo City Mayor Jerry Treñas.
Ang AstraZeneca nga isa ka multinational pharmaceutical and biopharmaceutical company nga nakabase sa Cambridge, England ang nagpartner sa University of Oxford sa pagdevelop sang bakuna batok sa COVID-19.
