Ginpahayag sang alkalde sa syudad sang Bacolod nga apisar nagapanindugan si Lone District Congressman Greg Gasataya nga siya ang neutral, nagapabilin man nga ginapanguyatan sang grupo progreso ang ginapatihan nga ini ang indi matuod.
Suno kay Bacolod City Mayor Evelio “Bing” Leonardia, kaugalingon man ato nga panindugan ni Gasataya, bangod humalin sang tinalikdan amo man ang ginapahayag sini.
Kun sa diin aminado man ang alkalde nga ginpatihan man nila sang umpisa.
Apang suno kay Leonardia, nakita, namonitor kag santo sa reports sang mga informant nila sa palibot, overwhelming ang mga pamatuod nga nagapakita nga indi neutral ang kongresista.
Panugyan sang alkalde nga segihun lang sang kongresista ang pagpanginwala kag segihon man sang grupo progreso ang pagpahibalo sa mga pumuluyo nga wala sila nagapati.
Ginpanginwala man ni Leonardia ang alegasyon ni Gasataya nga may nagsugid diri nga madugay na nga nagapangita ang alkalde sang magabunggo sa kongresista sa elekyson.
Paathag sang alkalde nga kun ini ang matuod, dapat nakakita na ang mga ini sadto paman sang I-atubang sa kongresista.
Suno kay Leonardia, ginpamangkot nila ini sa iya nga plano apang malawig ini nga wala nagsabat kadungan sa pahayag nga pangadi-an pa sini ang desisyon.
Apang suno sa alkalde, binulan na ang nangin pangadi sang kongresista wala gihapon ini nagsabat tubtob sa magdeklarar nalang nga luyag sini mangin neutral candidate sang maga-umpisa na ang filing sang certificate of candidacy (COC).
Bangod sini, wala na nahatagan sang kahigayunan ang grupo progreso nga makapangita sang iban nga suportahan nga kandidato sa pagka kongresista.
Dugang pa nga ginpanginwala ni Leonardia ang mga alegasyon nga siya ang nagduso sa pagpapili sang negosyante nga si Daniel Atayde bangod halos indi niya man ini kilala.
