Nakadepende sa bag-o nga magapungko nga alkalde kun irepurpose sini ang budget sang syudad sang Bacolod para sa pagpatukod sang Bacolod Coliseum agud nga ipakay-o sang mga merkado.
Sa interview sang Bombo Radyo Bacolod kay Bacolod City Mayor Evelio “Bing” Leonardia, ang Bacolod Coliseum ang mangin isa ka dako nga tourism kag sports magnate sang syudad kun madayon kag ini man ang pinakadako nga coliseum sa Western Visayas.
Samtang ginalookforward man sini ang pagdayon sa pagtukod sang Panay-Negros bridge.
Ginpaanggid man sang alkalde ang plano nga pagtukod sang Bacolod Coliseum ang pareho man sang pagtukod sadto sang Bacolod City Government Center.
Suno kay Leonardia, nakadepende sa bag-o administrasyon kun ano ang ila pagahimuon apang dapat maagi sa insakto nga proseso kag legalities.
