Ginkalipay ni Bacolod City Mayor Greg Gasataya nga nahimo sang Bacolod City Police Office ang 5-minute response time.
Interview with BACOLOD CITY MAYOR GREG GASATAYA
Suno sa alkalde, iya ginakalipay nga sa simulation exercise nakita sini nga sarang sang BCPO nga magresponde gilayon.
Suno diri, humalin sang ginlaunch ang 5 minute response time sa Manila sang tinalikdan nga semana, iya ginlauman nga matuman man ini sa Bacolod.
Nagpasalig naman si Gasataya nga ginaproseso na ang procurement sang SWAT van para sa BCPO.
Sa pihak nga bahin, gincongratulate man sini ang anti-drug campaign sang BCPO halin sa P20 million nga balor sang illegal nga druga nga narekober sang tinalikdan nga tuig halin Enero tubtob Hunyo, sa karun nga tuig nagdangat sa P90 million ang narekober nga illegal nga druga sa anum ka bulan humalin sang Enero.
