Nagpasalig si Bacolod City Mayor Greg Gasataya nga indi mausik ang mga gindonar nga mga panapton para sa mga biktima sang sunog sa Brgy 27, Bacolod City.
Madumduman nga sang tinalikdan nga Lunes, gin-anunsyar na sang alkalde nga i-hold anay ang pagbaton sang ginadonar nga mga panapton.
Apang madamo sa gihapon sang nagadonar kag ang mga bayo ginbutang sa Apolinario Mabini Elementary School kun diin nagatinir sa karun ang mga evacuees.
Nagviral sa social media nga madamo sang mga bayo ang nagalapta kag gintumpok lang apang suno kay Gasataya ang mga bayo ginbulad bangod iban diri mga basa.
Sa karun ginpanghimos na ini kag ginpangsulod sa sako.
Samtang, suno sa alkalde, iclear anay ang Brgy kag tsekyaron kun safe na nga maka-amat amat tukod sang balay ang mga pumuluyo.
