Gindayaw sang akalde ang mga kapulisan sang Bacolod City Police Office matapos nga gin-raid ang isa ka warehouse sang raw materials sang illicit cigarettes nga nagabalor sang minilyon ka pesos sa Barangay Alijis, Bacolod City, kahapon, Abril 21.
Ang operasyon sa pag-uncover sang mga kinarton nga raw materials sa paghimo sang illicit cigarettes.
Sa interview kay Bacolod City Mayor Greg Gasataya, gina-commend sini ang mga kapulisan kag mga nagkalain-lain nga ahensya sa padayon nga pagsiguro nga ang mga gina-allegar nga smuggled nga sigarilyo nga nadakpan sa Bacolod City kag ang gina-alegar nga manufacturer sa sagwa sang Bacolod City.
Suno kay Gasataya ang warehouse ang gin-inspection sang personnel sang Business Permit and Licensing Office (BPLO) kaupod ang mga kapulisan nga nagikan sa nagkalain-lain nga police units kag nadiskubrehan ang mga raw materials nga gina-alegar sa paghimo sang illicit cigarettes.
Nakita sa warehouse ang mga tobacco, mentol sa sigarilyo, kag mga kinarton nga packaging.
Nagpasalig ang alkalde nga magahatag sang tanan nga suporta ciudad agud masiguro nga ang kaangay nga mga buluhaton ang indi na magpadayon bangud ang mga ini ang nagaguba sang negosyo kag wala nagabayad sang buwis.
Ang warehouse ang ginapatsekyar pa sa BPLO kun may yara sang permit.
