Ginpasalamatan sang alkalde sang ciudad sang Bacolod ang tanan nga nagahatag sang suporta sa patigayunon nga Masskara Festival 2026.
kahapon, ginpatigayon ang official kick-off ceremony sang nasambit nga kapiestahan kag may tema nga “Share the Smile. Celebrate Gugma.”
Ginpakita man kahapon ang twin logo.
Pila sa mga dalagko nga pagbag-o nga gin-anunsyar kahapon amo ang pagsaylo sang Streetdance and Arena Dance Competition sa Reclamation Area nga nahamtang sa tunga sang bridgeways sang SM City Bacolod.
Ang bag-o nga venue ang patigayunan sang school kag barangay categories sa October 17 and 18.
Walo ka Barangay ang magapaindis-indis sa Barangay category nga ginalakipan sang Barangay 6, Barangay 10, Barangay 13, Barangay Alangilan, Barangay Bata, Barangay Mandalagan, Barangay Handumanan and Barangay Taculing.
Nagpasalamat si Bacolod City Mayor Greg Gasataya ang tanan nga sponsors sang MassKara Festival 2026 bangud sa dako nga kontribusyon agud mangin madinalag-on ang patigayunon nga Masskara Festival.
Suno kay Gasataya,indi man mabalikan sang ciudad ang kaalwan sang mga sponsors apang ginsiguro sini nga himuon sang ciudad kun ano man ang commitment kag ginpromisa sa mga ini.
Dugang man sa ginpasalamatan sang alkalde ang mga media partners, Barangays, Schools kag nagkalain-lain nga sector nga magapartisipar kag magapakigbahin sa nasambit nga kapiestahan.
