Nagalaom si Bacolod City Mayor Greg Gasataya nga makuha sang Bacolod City ang kampeonato sa Negros Island Region Athletics Association Meet 2026.
Sa speech ni Mayor Greg sa send-off ceremony sang mga atleta kahapon, nga ginseguro sang City Government ang suporta sa mga atleta agud magserbe nga inspirasyon sang mga players, nga makabatyag nga sila ang suportado sang ciudad.
Suno sa alkalde, indi sini luyag nga tubtob lamang sa pa-Liga ukon pahampang ang bulig sang ciudad sa patag sa sports, sa baylo ini ang dapat masuguran sa training kag sa eskwelahan.
Paathag ni Mayor Greg nga indi gikan sa iya bulsa ang ginhatag nga P10,500 nga training allowance para sa mga players, kundi ini ang gikan sa pondo sang ciudad.
Suno diri, dapat sa training pa lamang yara na ang bulig, bangod ang mga atleta ang nagakinahanglan man sang pagkaon, vitamins kag iban pa nga makapakondisyon sa ila.
Ini sini luyag nga mangin rasun sang players sa mahuyang nga performance ang bangod sa kakulang sa budget, gutom ukon wala sang plete.
Luwas diri, ang ciudad ang magahatag pa sang dugang nga P2,000 sa kada players para magamit sa Regional Meet nga magasugod sa Marso 1 tubtob Marso 7.
Luwas sa financial assistance, ang ciudad ang naghatag man sang libre nga sapatos kag tatlo ka set sang uniforms.
Nagalaom si Mayor Greg nga ang Bacolod City ang makaproduce sang mga atleta nga makadangat sa International Stage kag mangin Olympic medalist sa palaabuton.
