Mayor Greg Gasataya, nagalaom nga maturn-over na sang TIEZA ang BCGC fountain kag Bacolod City Public Plaza

Nagalaum si Bacolod City Mayor Greg Gasataya nga ma-turn over na sang Tourism Infrastructure and Enterprise Zone Authority (TIEZA) sa ciudad ang Bacolod City Government Center (BCGC) Fountain kag Public Plaza.

Amat-amat nga ginatest ang mga suga sa Bacolod Public Plaza agud masiguro nga gagana ang tanan antes ini iturn-over sa ciudad.

Samtang, patapos naman ang beautification sa BCGC fountain.

Suno sa Alkalde, lauman nga tumanon sang TIEZA ang commitment sini nga matapos ang proyekto sa Setyembre.

Suno kay Mayor Greg, isa sa mga concerns sang TIEZA kun madula ukon maguba ang mga kagamitan sa plaza kun kakson na ang mga kudal .

Gani pahayag sang alkalde, isa sa ila ginatalakay subong ang seguridad sang mga kagamitan sa plaza antes ini buksan.