May ginbutang na nga Officer-in-Charge si Bacolod City Mayor Greg Gasataya sa Bacolod Enviornment and Natural Resources Office ukon BENRO kag nag-appoint man ini sang magapungko bilang City Accountant sang Bacolod City Government bangud wala pa ini sang department head.
Gin-appoint ni Gasataya si Atty. Allyn-Luv Dignadice bilang OIC sang BENRO samtang si Atty. Jeremae Ann Ceriaco naman ang gindesignar nga OIC City Accountant.
Suno kay Mayor Gasataya, sa ginhambal sini sa inagurasyon luyag sini nga matutukan ang probelama sa pagkolekta sang basura sa Bacolod.
Suno kay Gasataya, nga indi ini ‘witch-hunting’, kundi dapat nga masunod lamang ang kontrata bangud ginabayaran sila sang ciudad sang Bacolod.
Ginpahayag sang alkadle nga gin-ayo sini si Dignadice nga tutukan ang compliance sang contractor agud nga masolbar ang problema sa pagkolekta sang basura sa ciudad.
Suno diri madamo na ini sang nabaton nga reklamo angot sa problema sa mga wala na kolekta nga mga basura, schedule kag iban pa.
Natalana man nga butangan sang department head ang City Engineer nga sa karun ang officer-in-charge amo si Engineer Loben Seballos.
Ang City Engineers ang ginmeeting man kahapon sang alkalde bangud madamo ini sang pamangkot sa mga proyekto nga naglipas na ang tatlo ka tuig ang wala pa natapos.
Magapabilin sa pwesto si Maricar Quiro bilang officer-in-charge sang City Department of Agriculture.
