Gilayon man nga nagpagwa sang announcement si Bacolod City Mayor Greg Gasataya matapos makumpirmar ang anunsyo sang Department of the Interior and Local Government (DILG) tuhoy sa suspension sang klase kag trabaho sa gobyerno.
Alas-5:38 kaina sang aga, nagpagwa sang announcement sa facebook page sang DILG Philippines nga ginasuspender ang klase sa pila ka mga lugar bangod sa ginalauman nga mabaskog nga pag-ulan santo sa Provincial Disaster Risk Reduction and Management Offices.
WATCH: https://youtu.be/5F5a6RwSn5g
Sa interview sang Bombo Radyo Bacolod kay Mayor Greg, matapos makita ang announcement, gilayon sini nga ginkumpirmar sa DILG-Bacolod agud makaseguro.
Gilayon man nga nagpagwa sang announcement ang Bacolod City Government.
Santo sa DILG announcement, suspendido ang klase (all levels) kag government work sa National Capital Region, Cavite, Bulacan, Laguna, Quezon, Camarines Norte, Camarines Sur, Albay, Catanduanes, Sorsogon, Masbate, Northern Samar, Occidental Mindoro, Antique, Negros Occidental lakip na ang Bacolod City, Pampanga kag Rizal.
Pangabay ni Mayor Greg, nga karun nga wala sang klase kag trabaho sa gobyerno, gamiton ang oras sa mas mabinungahon nga mga aktibidad.
