Nagpanawagan ang alkalde sa ciudad sang Bacolod sa tanan nga mga gun-owners nga mangin responsable sa ila ginapanag-iyahan nga mga armas-luthang ilabi na ang mga nagatrabaho sa gobyerno.
Ini ang kasunod sang mga natabo nga mga shooting incidents sa mga eskwelahan kag isa na diri ang latest nga natabo sa Banga National High School sa South Cotabato.
Sa mensahe ni Mayor Greg Gasataya sa flag ceremony kahapon, dapat siguruhon sang mga gun owners nga naka-safe keep ang mga firearms kag wala sang access ang mga kabataan.
Suno kay Gasataya, ang mga natabo nga shooting incidents sa South Cotabato kag Ateneo ang mga gingamit sang shooters ang lisensyado nga mga armas-luthang.
Suno sa alkalde ang ini nga butang ang dapat gid nga bululigan bangud bisan ano nga bulig sang gobyerno sa pagbantay sa mga eskwelahan may yara gid sang instances nga malutsan.
Dugang man nga panawagan sang alkalde nga sa nagagamit sang Artificial Intelligence, dapat gamiton ini sang insakto kag indi para pakalainon ang City Government.
