Nagpanindugan si Aksyon Demokratiko standard-bearer Isko Moreno nga ang iya panawagan kay Vice President Leni Robredo nga magwithdraw ang patas lamang nga pamaagi sa pagpatilaw sang iya sang iya kaugalingon nga ginapanghimo nga amu ang ginaalegar pagpanawagan diri kag sa iban nga kandidato nga magwithdraw agud iya malutos si former Senator Ferdinand “Bongbong” Marcos Jr.
Ini matapos nagpatigayon sang press conference sanday Moreno, Senator Panfilo “Ping” Lacson, Senator Manny Pacquiao, kag anay Defense Secretary Norberto Gonzales kag nagpanawagan kay Robredo nga magwithdraw.
Suno kay Moreno, patas ang iya pagpanawagan bangud kun ano ang ginahambal sang kampo ni Robredo, nagakadapat man nga ila ini mabatian.
Samtang sang Abril 11, ginpanginwala naman sang tagpamaba ni Robredo nga si Barry Gutierrez nga may mga tikang ang ila kampo nga i-unite ang iban nga presidential candidates.
Suno kay Moreno, humalin sang Day One, ginapanawagan na sang pihak nga kampo ang “withdraw Isko” kag ang sitwasyon sa karun ang nagapakita nga kun mangbully ang may gahom nga mga persona, okay lang, apang kun ang ordinaryo nga tawo ang maghimo sini, sila ang ginatawag nga indi rasonable kag bastos.
Ginpamangkot man sini ang kampo ni Robredo kun ano ang ila kinamatarong, bilang isa ka competitor, nga hingyuon ang iban nga kandidato nga magwithdraw, bangud lamang isa ini ka high-ranking nga persona.
Gindugang man sii nga ang panawagan ni Robredo nga magwithdraw ang iban nga kandidato agud makaangkon sang one-on-one showdown si Robredo kag Marcos Jr. ang nagapakita lamang nga ang politika sa Pilipinas humalin sang 1986 ang nagalibot lamang sa konflikto sang duha ka pamilya kag duha ka duag.
Ang ini nga pahayag ni Moreno apisar sang tikang ni Lacson nga idistansya ang iya kaugalingon sa claims ni Moreno kag ginpahayag nga wala ini naglaom nga magadangat diri ang alkalde.
