Ginbasura sang Ombudsman ang mga kaso nga ginpasaka batok kanday Bacolod City Mayor Evelio Leonardia kag duha ka iban pa sang tuig 2017.
Ini ang angot sa alegasyon sang tuig 2016 matapos nga nagbalik ang administrasyon ni Leonardia sa Bacolod City Government sang si executive assistant Eduardo Ravena ang nagsolicit sang 12% commission para sa iya kaugalingon kag in behalf ni City Mayor Evelio Leonardia kag city legal officer Atty. Joselito Bayatan, bilang pre-condition sa pag-aprubar sang payment claim sang Penjan Construction and Supplies, ang sole proprietorship ni Catherine Gayondato.
Ang kaso nga docketed bilang OMB-V-C-18-0660 kag OMB-V-A-18-0727 ang wala ginpasaka ni Catherine Gayondato, ang proprietor sang Penjan Construction and Supplies.
Sa baylo ini ang ginpasaka ni Edgar Cadagat, Antonio Wong kag Nemesio Demafelis, nga nagpresintar sang ila kaugalingon bilang sub-contractors sang Gayondato sa paghatag supplt sa city government sa idalom sang Puentevella administration sa 6,800 cubic meters sang filling materials nga nagabalor sang P3.7 million.
Suno kay Leonardia, nga una pa lang nakita nila ang kaso nga despicable.
Suno pa diri, ang mga nagareklamo ang nagademand nga sila ang nagahimo sang iligal nga butang apang wala nila ini ginahimo gani ginbaliskad nila ang kamatuoran kag ginpeke ang alegasyon agud nga pakanubuon kag balusan sila.
