Temporaryo nga ginlockdown ang Bago City Hall epektibo subong nga adlaw, Setyembre 1 tubtob sa Biyernes, Setyembre 4, 2020 bangud lima ka mga personnel sang City Health Office kag isa ka encoder sa incident management team sang COVID-Task Force ang nagpositibo sa coronavirus.
Sa interview sang Bombo Radyo kay Mayor Nicholas Yulo, nagpirma ini sang executive order suno sa konsultasyon sa Sangguniang Panlungsod, bise-alkalde, department heads kag incident management team sang ciudad nga dayunon ang paglockdwon sang Bago City Hall tubtob maclear ang mga nakacontact sang anum ka mga empleyado nga nagpositibo sa virus.
Suno kay Yulo, Agosto 26 sang nagwa ang resulta sang nasambit nga mga empleyado kag gilayon sila nga nagpatigayon sang contact tracing.
Ginpakamaayo sang alkalde nga wala anay sang movement sang tawo sa City Hall tubtob sa Biyernes gani gindesisyunan sini nga ipa work from home anay ang mga empleyado.
