Indi pabor ang isa ka residente sang Barangay Tabunan, Bago City sa ginhimo sang ila nga Punong Barangay nga paghatag sang P20,000 nga scholarship grant.
Madumduman nga sa ikalima nga State of the Nation Address (SONA) ni President Ferdinand Marcos Jr nga may lima ka mga residente sang Barangay ang mahatagan sang scholarship grant sa idalom sang Bagong Pilipinas Barangay Presidential Scholars Program.
Ang mga beneficiary sang nasambit nga programa ang mga incoming ukon current fourth-year/graduating college students nga halin sa low-income families nga nagapangatubang sang kabudlayan financial kag risgo sang indi makatapos kag bonafide nga residente sa nasambit nga Barangay.
Sa Barangay Tabunan, Bago City ginpotakte sang negatibo nga komento si Punong Maria May C. Suarez matapos nga ang isa sa mga beneficiary sang nasambit nga scholarship grant ang mismo bata sini.
Sa interview kay alyas Jun, indi dapat nga bata sang Punong Barangay ang isa sa mga beneficiary bangud opisyal ini sang Barangay kag public funds ang gingamit para sa scholarship grant.
Suno kay Jun dapat ginlantaw ni Punong Barangay Suarez ang sitwasyon sang constituents kag ginsiguro nga ang makabenepisyo ang halin gid sa pigado nga pamilya.
Dugang pa sini bangud nga Punong Barangay si Suarez nagapati siya nga may ikasarang ini nga suportahan ang pagtuon sang iya bata sa kolehiyo.
Nagapati man ini nga madamo pa ang mas deserving nga makabaton sang scholarship grant magluwas sa iya nga bata.
Nagpanawagan man ini sa mga Barangay Officials nga deserving ang makabaton sang scholarship grant.
Samtang…. dapat naman unahon sang mga Barangay Officials ilabi na ang Punong Barangay ang iban nga mga pumuluyo sa Barangay kun may mga kaayuhan halin sa gobyerno.
Suno kay Alyas Ailyn, adapt unahon gid ang iban nga tawo sa barangay kun may mga kaayuhan bangud mahimo nga maglain ang panan-aw sang mga pumuluyo kun ang beneficiary ang bata ukon miyembro sang pamilya.
Suno kay Ailyn dapat ang ginabuligan sang mga Barangay Officials amo ang mga pigado nga mga pumuluyo kag indi ang ila pamilya.
Suno diri, para sa ano pa nga nagpadalagan ini bilang Punong Barangay ukon Barangay Officials kun ang buligan ang pamilya sagihapon kag indi ang mga pumuluyo.
