Ginhatag sa mga konsehal sang ciudad sang ang kalabanan nga mga food vouchers nga nagabalor sang P2.5 million.
Sa interview kay Bacolod City Mayor Alfredo “Albee” Benitez, yara sa 70 tubtob 80 porsyento sang mga food vouchers nga nagabalor tig-P200 ang igapanagtag sang mga City Councilors.
Ang nabilin nga vouchers ang pagatungaon para ipang-distribute sang Bacolod Yuhum Foundation, Isugid kay Mayor Team, personnel sang City Mayor’s Office, Philippine National Police kag iban pa.
Yara sa kabilugan nga 12,500 food vouchers ang gin-distribute sang ciudad.
May yara sang duha ka options ang voucher, isa ang para sa bisan diin lang nga kiosk kaangay sang Plaza, Bacolod City Government Center kag the Upper east.
Kag ang isa ang eksklusibo nga para lang sa Bacolod City Public Plaza.
May yara sang security feature ang food voucher agud indi ma peke ukon ma duplicate.
Ini ang personal nga kwarta sang alkalde nga gindonar para nga makabawi ang mga food kiosks sa public plaza, Bacolod City Government Center kag The Upper East matapus man ang halos isa ka semana nga malain nga tiempo kadungan sang Masskara Festival 2024.
