BACOLOD CITY – Gilayon nga nakilala kun sin o ang mga katapo sang media nga nagagamit sang ngalan sang Bombo Radyo Philippines agud makabaton sang payola gikan sa drug lord sa Bacolod.
Antes sini, gin-ulamid ni Ricky Serenio, ang bagman kag right hand sang drug lord nga si Victoria Tolentino alias Beria, ang ngalan sang Bombo Radyo Philippines kun sa diin ginpahayag sini nga duha ka taga-Bombo Radyo ang nagabaton sang payola ukon kwarta kabaylo sang protection sa illegal drug transaction.
Sa pag-atubang sang opisyales sang Bombo Radyo kag ni Serenio, ginlaragway sang suspetsado ang identity sang mga ginhatagan sang drug money kag diri natumod nga mga anay reporter ang mga ini kag wala na sang anuman nga koneksyon sa network sa karon.
Gintumod ni Serenio sanday Edwin de Pedro, barangay kagawad sang Brgy. Zone 12-A, Talisay City, kag a certain Joelibs sang Brgy. Bata, Bacolod City.
Indi matumod ni Serenio ang matuod nga ngalan ni a certain Joelibs bangud mismo ang iya nga boss ang nagahatag sang kwarta diri apang aminado ini nga siya ang anay barangay kagawad sang Brgy. Bata kag ginpahayag ginsuportahan ni Beria sa pagdalagan sa pagka-punong barangay apang napyerdi.
Suno sa iya, P50,000 ang ginahatag kag a certain Joelibs samtang mas magamay naman ang kay De Pedro.
Sanday De Pedro kag a certain Joelibs ang pareho nga madugay na nga indi konektado sa Bombo Radyo Bacolod apang may blocktime program ukon mabatian sa iban nga radio stations sa syudad sang Bacolod.
WATCH. NIR top drug suspect Ricky Serenio describes the two media personalities allegedly involved in illegal drug trade. Serenio said they are from cities of Talisay and Bacolod. One of them was later identified by the suspect.
Posted by March Espina on Tuesday, January 10, 2017
