Nagapanindugan ang medical doctor nga indi sini pag-islan ang iya statement nga wala sang may makuha nga sakit sa paghaklo sang baho sang iti sang manok.
Madumduman nga ginreklamo sang mga pumuluyo sang Hda Jovillanos, Brgy Cansilayan, banwa sang Murcia, ang tuman ka baho kag paghigko sang suba kun sa diin ginapa-ilig ang higko sang manok halin sa Ta-ala Farms.
Sa interview sang Bombo Radyo Bacolod kay Dr. Vicente “Itik” Ituriaga, nagpahayag ini nga indi makakuha sang balatian gikan sa baho sang iti sang manok magluwas nalang kun ini ang may direct contact.
Suno diri, madamo sang nagkwestyon sa iya sa social media angot sa iya statement apang nagapanindugan ang doctor nga indi sini pag-islan ang iya ginhambal bangod ini ang matuod.
Liwat sini nga gin-athag nga wala sang sakit nga makuha sa paghaklo sang baho sang iti, apang ini ang makatrigger kun sa umpisa pa lang ang tawo may yara na sang ginasuprer nga sakit kaangay sang hapo kag ubo.
Suno kay Ituriaga, inconvenience lamang ang matuga sang baho sang iti kag indi sakit.
Dugang pa sini, tubtob sa karun wala pa man siya sang may nabaton nga pasyente halin sa Murcia nga nagpalapit kag nagreklamo nga nagkabalatian sa paghaklo sang baho sang iti.
Samtang, nagpanawagan man ini nga dapat may yara gid sang proper disposal para sa iti sang manok agud indi makahalit sa mga pumuluyo.
