Nag-appoint sang bag-o nga interim board of directors ang Central Negros Electric Cooperative (CENECO) member-consumer-owners (MCO) Federation sa pagpamuno ni Atty. Luke Espiritu.
Suno kay Espiritu, sila ang nagpatigayon sang general assembly kahapon bilang isa ka body nga gin-authorize sang layi nga maghimo sang desisyon sa electric cooperative.
Sa general assembly nga gintambungan sang 150 ka mga MCO, ila ginhukas ang daan nga mga board of directors pati na si Acting General Manager Atty. Arnel Lapore kag gin-islan ini sang interim board.
Nagapanindugan ini nga ginlapas ni Lapore kag sang board of directors sa pagpamuno ni Jojit Yap ang mandato sang CENECO paagi sa pagperma sang Joint Venture Agreement kaupod ang More Power.
Subong nga adlaw, nagpadulong ang mga ini sa opisina sang CENECO kag nagmeeting tuhoy sa management team sang electric cooperative.
Suno sa iya, ang interim board ang nag-appoint sang management committee kag sila ang magasugod naman sa pagproseso sang pag-elect sang bag-o nga General Manager sang CENECO.
Nahibaluan nga ang ini nga tikang ang ginhimo sang MCO Federation agud madeklarar nga null kag void ang JVA.
