Napirmahan na ang Memorandum of Aggreement (MOA) sa tunga sang ciudad sang Bacolod, Philippine Health Insurance Corporation (PHILHEALTH) kag Department of Health para sa Universal Healthcare Program.
Suno kay Bacolod`City Alfredo Benitez, tion na para tutukan ang preventive magluwas sa curative stage sang ikaayong lawas sang mga pumuluyo gani gindisenyo ang Philhealth consulta program.
Suno kay Benitez, ini ang una nga kahigayunan nga ang isa ka Local Government Unit ang ginhatagan sang pondo sang PHILHEALTH kun sa diin makabaton ang ciudad sang P330 million nga pondo sa 2024.
Suno sa alkalde ang nasambit nga pondo ang gintawag nga special health fund kun sa diin ini nga pondo ang pagagamiton agud nga mameet ang demand sang Philhealth consulta program.
Ang nasambit nga pondo nga may yara sang tatlo ka tranches samtang ang local health board naman ang magapatuman sang nasambit nga programa.
Ginpasalamatan man sang alkalde ang mga konsehal kag bise alkalde sang ciudad nga ginhatagan siya sang authority to sign sa MOA kaupod ang duha ka national government agencies.
Bangud ang ciudad sang Bacolod ang una nga LGU nga nakabaton sang kaangay nga pondo, luyag sini nga ang ciudad man ang pagahimuon nga modelo sang mga LGUs sa Negros Occidental.
Nagpasalig man ang alkalde nga ang programa ang mapatuman sang insakto kag dako nga bulig sa mga pumuluyo ang nasambit nga programa kag mabatyagan gid ini sang mga residente sang ciudad.
