Gin-aprubahan na ang ratification sang Memorandum of Agreement (MOA) sa tunga sang Bacolod City Government kag sang Bacolod Gugma Foundation bilang organizer sang Masskara Festival 2025 kag Rodney Ascalon bilang Festival Director.
Suno kay Bacolod City Councilor Jason Villarosa, Chairman sang Committee on Tourism, Sangguniang Panlungsod nga ginalauman sang mga ini nga mangin matahum ang patigayunon nga festival kag bug-os man ang suporta sang alcalde.
Suno kay Villarosa, may yara sang mga bag-o nga aktibidad kag may yara man sang ginpang-iban.
Dugang pa nga i-highlight lamang ang mga dalagko nga aktibidad nga makahatag sang kasadyahan sa mga Bacolodnon.
Ginkalipay man sini nga si Rodney Ascalon ang festival director bangud nga nakatrabaho niya man ini sadto.
Pasalig ni Villarosa nga ang Bacolod Gugma Foundation nga nakapreparar na ang mga ini antes pa man nga naaprubahan nga sila ang mangin festival organizer.
