Ginmolestiyahan sang traysikad driver ang isa ka menor de edad sa banwa sang EB Magalona, sang Biyernes, Oktubre 2.
Sa interview sang Bombo Radyo kay PMaj. Judesses Catalogo, Spokeperson sang Negros Occidental Police Provincial Office (NOCPPO), nagpakilala ang suspect nga kilala niya ang amay sang biktima gani nag-upod ini sakay sa traysikad.
Alas-12:00 ang takna sang udto, gindala sang suspect sa kampo ang menor de edad kag didto na sini ginmolestiya.
Suno kay Catalogo, may pamahog pa nga natabo sa kabuhi sang biktima.
Nagpalagyo naman ang suspect matapos ang insidente.
Samtang, narescue kag gindala sa ospital ang menor de edad.
Sang naka-istorya na ang biktima, natumod sang mga otoridad ang suspect kag natigayon nga nadakpan sa hot pursuit operation.
Pahayag ni Catalago, ginpasakaan sang kaso nga statutory rape ang suspect.
