Isa ka menor de edad ang nakuryente sa Purok Michelle, Barangay Dulao, Bago City, Negros Occidental.
Ang biktima ang nahibaluan nga isa ka 17 anyos, helper sang trailer truck kag resident sa Barangay Tagda, Hinigaran.
Sa inisyal nga imbestigasyon, ginpahayag sang driver sang trailer truck nga ginkilala kay Hernando Evangelista kag Reynan Martinez, back hoe operator nga igakarga kuntani sa trailer truck, nga ang biktima ang nagabulig sa pagkapot sang trailer sang nasambit nga truck sang natabo ang insidente.
Samtang gina-manuevre ni Martinez ang back hoe pasaka sa trailer truck, hinali nalang nga naigo sang kamot sang back hoe ang Ceneco main line nga isa ka live wire nga nagtuga agud nga makuryente ang 17 anyos.
Ang biktima ang gilayon nga gindala sa Bacolod South Hospital para sa pagbulong.
Samtang ang driver sang trailer truck kag back hoe operator ang parehas nga gindala sa Bago City Police Station para sa nagakaigo nga disposisyon.
