Padayon pa nga ginapangita ang menor de edad nga suspetsado sa pagpamuno sa isa 30-anyos nga lalaki sa Sitio Yanog, Barangay Tampalon, Kabankalan City.
Ginkilala ang biktima kay Romy Suyo samtang ang suspetsado naman ang isa ka 16-anyos nga lalaki kag lunsay mga residente sa amo nga barangay.
Sa impormasyon nga nakuha sang Bombo Radyo Bacolod, naga-inom-inom ang biktima upod ang iya amay kag mga kauturan sang naglalisay ang suspetsado kag utod sang biktima may kaangtanan sa ila nga trabaho.
Hinali nalang nga ginbuno sang suspetsado si Suyo kun sa diin naigo ini sa nawala nga tiyan.
Gilayon nga gindala sa Lorenzo D. Zayco District Hospital ang biktima para sa nagakaigo nga pagbulong samtang nakapalagyo naman ang suspetsado kag padayon pa nga ginpangita sang kapulisan.
