Patay ang menor de edad nga back rider sa motorsiklo bangud sa aksidente nga nagluntad sa National Highway, Barangay Salvacion, Murcia, Negros Occidental kagab-i, December 1.
Sa interview sang Bombo Radyo Bacolod kay Police Captain Honey Labaro, hepe sang Murcia Municipal Police Station, gintawag sa ila ang nagluntad nga aksidente kag gilayon man nila nga ginrespondehan kag nakumpirmar ang impormasyon kun sa diin duha ka mga motorsiklo ang imbulbado.
Suno kay Labaro, head on collision ang natabo bangud ang Honda Wave 110 cc ang nag-overtake sa trucking apang nabungguan sini ang Suzuki raider.
Bangud sa impact naglabog ang angkas sang Honda.
Gindala sa Murcia Health Unit ang tatlo apang gindeklarar nga dead on arrival ang menor de edad.
Panugyan ni Labaro sa tanan nga motorista nga maghinay lamang agud nga malikawan ang aksidente sa dalanon.
