Nagsungka ang isa ka 16-anyos nga miyembro sang CPP-NPA sa 94th Infantry Battalion sang Philippine Army operatives sa ciudad sang Kabankalan sang Miyerkules sang aga, Hunyo 2, 2021.
Sa impormasyon nga nakuha sang Bombo Radyo, ginakapoy na sa pag-istar sa bukid si Alias Monica rason kun ngaa nagbalik ini sa sabak sang gobyerno.
Suno diri, siya ang miyembro sang Squad 1, Central Negros 2 nga ginapamunuan ni alias ka Karding sang Southwest Front Committee Command nga naga-operar sa Himamaylan, Negros Occidental.
Suno kay Monica, sila ang ginrecruite sang iya abyan nga si “Alyssa” ni alias “Ka Prior” sang Agosto 10, 2020.
Suno diri, bangud nga ini ang menor-de-edad, wala pa ini ginapahanugutan nga magbitbit sanga rmas kag ginapabilin sa balay agud magserbe bilang tagaluto sa ila mga operasyon sa bukid.
Matapos ang siyam ka bulan nga kabudlayan kag eksperyensya sa CPP-NPA, narealisar sini nga wala siya sang puturo sa nasambit nga grupo gani sang Mayo 2021, naglisensya ini sa iya commander nga siya ang magapauli bangud nahidlaw na ini sa iya pamilya.
Gin-engganyo naman ini sang iya mga ginikanan sang siya ang nagpauli nga magsungka sa gobyerno.
Nagpangayo sila sang bulig sa 94th Infantry Battalion sang Philippine Army nga amu ang nagturn over sa iya sa Kabankalan City Police Station para sa nagakaigo nga assessment kag endorsement sa E-CLIP program.
Ginrefer man ini sa Social Welfare and Development Office sang Kabankalan City para sa debriefing kag custody.
