Mapaidalom sa panibag-o nga operasyon si American golf star Tiger Woods.
Ginpahayag sini nga masunod nga adlaw magapaidalom ini sa microdecompression surgery agud nga makay-o ang mga nerve issue sa lower back sini.
Dugang pa sini nga humalin pa sadtong mga binulan sang mga torneo nga iya ginpasakupan nagabatyag na ini.
Nagalaom man ini nga sa tion nga matapos na ang operasyon mabalik na ang normal sini nga pagpangabuhi ilabi na ang paghampang sini sang golf.
Madumduman nga wala ginpadayon ni Woods ang torneo sa Genesis Invitational sadtong Pebrero bangud sa kangilo nga iya nabatyagan.
Mahimo naman nga ini na ang pang-anum nga pagpaidalom ni Woods sa operasyon sa sulod sang pila ka tuig.
Sang 2021 nagpaidalom man ini sa microdiscectomy agud nga makakas ang bone fragment nga gintunaan sang pagsakit sang iya nerve.
