Ginpasaka na sang Metro Manila Disaster Risk Reduction and Management Council (MMDRRMC) ang Red Alert status sini bilang preparasyon sa Bagyo Uwan nga nagsulod na sa Philippine Area of Responsibility (PAR) kagab-i.
Suno sa Philippine Atmospheric, Geophysical and Astronomical Services Administration (PAGASA), ginalauman nga magadala ang Bagyo Uwan sang 100 tubtob 200 millimeters nga ulan sa Metro Manila sa masunod nga mga inadlaw, nga equivalent sa isa ka bulan nga ulan kag posible man nga ipasaka sa mas mataas nga Tropical Cyclone Wind Signal ang rehiyon.
Sa meeting sang MMDRRMC sa ila Virtual Emergency Operations Center, ginpasiguro sang ahensya ang prepositioning sang ila mga assets kag resources para sa gilayon nga pagresponde.
Suno kay Director George Keyser, dapat siguruhon sang mga ahensya nga maathag kag naintindihan sang publiko ang mga warnings agud malikawan ang halit kag mga casualties.
