Sa sulod sang duha ka semana nga implementasyon sang towing and clamping ordinance sa Dalan Lacson, aminado ang Metro Towing Services nga dapat mag-ugyon ang kada isa agud nga magtawhay na ang dalanon sa ciudad.
Sa interview sang Bombo Radyo kay Nino Lavaro, general manager sang Metro Towing Services, wala sila sang gahum nga mag-apprehend kundi ginadispatch lang ang salakyan kun magtawag ang BTAO personnel agud nga iclamp ukon itow ang salakyan sang violator.
Sa karon, indi man tuman kadamo ang ginatow sang kompaniya nga mahimo patimaan nga indi na gid tuman kadamo ang nagapasaway sa dalanon.
Halin kaina sang aga, isa ka motorsiklo kag isa ka salakyan ang gintow bangud indi man tuman kadamo ang nagapasaway.
Nagaplano naman ang Metro Towing Services nga magdugang sang apat ka truck, apang kun magdiutay ukon wala na gid sang violator suno kay Lavarrio, mas maayo bangud magatawhay ang ciudad sang Bacolod.
Wala man naapektuhan ang serbisyo sang Metro Towing Services bangud wala sila sang labot kun sin-o man ang nagapamuno bangud wala sila sang gahum nga magpanakop kundi nakadepende na ini sa BTAO.
Sang nagsugod ang towing and clamping, volunteer pa lang ang status sang kompaniya kag wala pa sang bayad, kag nangin official lang ang ila serbisyo sang napirmahan na ang memorandum of agreement.
Wala man sang problema sa ila kun magbakal sang tow truck ang city government sang Bacolod.
