Nakuha sang Mexico ang kadalag-an batok sa South Korea para sa Group A sang FIFA World Cup 2026 sa score nga 1-0.
Parehas nga wala sang goal ang magkasumpong nga team sa first half.
Sa 2nd half, nahimo nga makapuntos ni Luis Romo sang Mexico sa ika-50 minutos sang hampang.
Nangin maiwat ang attempts sang duha ka kampo sa paggoal kun sa diin ang Mexico ang may-ara lamang sang apat ka shots on target, samtang duha lamang ang sa South Korea.
Parehas na nga may tig-duha ka hampang ang apat ka team sa Group A, kag sa karun nagapanguna ang Mexico nga may-ara na sang duha ka kadalag-an ukon 6 points.
Nagasunod naman diri ang South Korea nga may 3-points bangod sa isa ka daog kag isa ka pierde.
Samtang ang Czechia kag South Africa ang parehas nga nakakuha lamang sang 1-point bangod sa tig-isa ka kalutusan kag draw.
