Positibo ang mga abogado ni former President Rodrigo Duterte nga i-grant ang iya interim release sa madasig nga tion.
Wala naman naghatag sang timeline ang mga abogado sang anay Presidente kun san-o nila ginalauman nga magarule ang International Criminal Court sa interim release request para sa anay Presidente.
Suno kay Vice President Sara Duterte, wala nahatagan sang kahigayunan ang ila pamilya nga magnominar sang ikatatlo nga pungsod kun sa diin temporaryo nga igarelease ang ila patriarch.
Suno diri, wala sang may ginhatag nga choce sa pamilya kag wala man bulig nagikan sa ICC.
Ginkumpirmar ang motion nga maghatag sang isa ka interim release para sa ika-16 nga Presidente sang Pilipinas sang tinalikdan nga semana matapos nagpublish ang ICC sang pila ka mga court documents sa website sini.
