Ginbasol ni Senator-judge Raffy Tulfo sa mga tawo nga nakapalibot kay Vice President Sara Duterte ang gina-alegar kakulangan, nga nagbutang sa Bise Presidente sa alang-alang.
Sa ika-37 nga adlaw sang impeachment trial, ginpahayag ni Tulfo nga ginakatingala sini kun ngaa wala napahanumdom sang mga abogado nga nakapalibot kay Duterte ang probisyon sang Article VII, Section 13 sang Konstitusyon nga na-angot sa pagdumili sa pila ka opisyal sang executive nga nagakapot sa iban nga posisyon ukon trabaho, sa pagsulod sa pila ka negosyo.
Suno kay Tulfo, isa ka abogado si Duterte, kasubong man ang iya nga bana nga si Atty. Manases “Mans” Carpio, kag ang iya nga chief of staff, luwas pa sa iban nga mga abogado sa Office of the Vice President (OVP).
Bangod sini, ginkwestyon sang Senador kun ngaa wala man lang sang nakatalupangod ukon nakapahanumdom sa nasambit nga probisyon.
Panindugan ni Tulfo nga mahimo nahibaluan sang mga tawo sa palibot sang Bise Presidente ang layi, apang ini ang ginpawalaan lamang bangod sa pagsalig nga ini ang indi sakop sang mga patakaran.
Bangod sini, ginpahayag sang Senador nga ang mga tawo nga nakapalibot sa Bise Presidente ang dapat basulon bangod wala nila ini ginpalayo sa mahimo makahatag sang isyu.
