Ginmanduan na ni President Ferdinand “Bongbong” Marcos Jr. ang nagkalain-lain nga ahensya sang gobyerno sa pagpanguna sang National Disaster Risk Reduction Management Council (NDRRMC) nga maglatag sang mga preparasyon para sa timprano nga pagresponde sa ginalauman nga epekto sang Bagyo Crising kag Habagat.
Suno kay Palace Press Officer Undersecretary Claire Castro, nagsaka na sa “blue alert status” ang National Disaster Risk Reduction and Management Council (NDRRMC) agud mapreparar ang mga kagamitan kag mga personnel sa pagresponde.
Sa karun nagapatigayon naman sang pre-disaster risk assessment ang ahensiya agud mapanugyanan ang mga ini sa mga preparasyon sa bagyo.
Ginapasiguro naman sa DOST-PAGASA ang padayon nga pagpagwa sang weather update.
Magluwas sa NDRRMC, nakaalerto man ang Department of the Interior and Local Government (DILG) kag Department of Social Welfare and Development (DSWD) para sa pagdul-ong sang bulig sa mga pumuluyo nga apektado sang bagyo.
