Positibo ang presidente sang Negros Occidental Association of Chief Executives nga makabenepisyo ang mga alkalde sang kada Local Government Units sa pagperma sang memorandum of agreement (MOA) sa Malacañang para sa Nationwide Classroom Building Program sang administrasyon ni President Ferdinand ‘Bong bong’ Marcos Jr.
Sa idalom sang MOA ang city government ang maga-oversee sa procurement, construction kag projcet management agud masiguro ang madasig kag mas responsive implementation sa pagpatukod sang mga classrooms.
Sa interview sang Bombo Radyo kay Cadiz City Mayor Salvador ‘Bading’ Escalante, nagpahayag ang presidente nga dako ang pondo para sa construction sang classrooms sang tinalikdan nga tuig apang madutay lang ang napatukod.
Suno diri, bisan sa ciudad sang Cadiz madamo sang pending nga request para sa additional nga classroom kag repair apang indi makasarang ang LGU.
Apang, sa karun bangod sa Nationwide Classroom Building Program mas madasig na ang implementasyon sang plano kag dako ini nga oportunidad sa mga alkalde kag gobernador nga mapakita nga sarang nila matapos ang proyekto bangod posible nga sa masunod sila naman ang ipatawag sa hearing.
