Nagpanawagan si US National Security Adviser Jake Sullivan sa tanan nga Amerikano nga yara sa Ukraine nga gilayon nga maghalin sa pungsod sa masunod nga 24 tubtob 48 oras.
Sa isa ka public briefing, ginpahayag ni Sullivan nga dapat maghalin na ang mga Amerikano sa Ukraine sa madali nga tinion bangud posible nga magsugod ang Russia invasion sa bisan ano nga oras.
Suno sa iya, indi nila mapredict ang mga matabo apang mataas na sa karun ang risgo kag makabig na nga immediate ang mga pagpamahog.
Suno kay Sullivan, kun magpabilin ang mga Amerikano sa pungsod, posible nga wala na sang opportunidad nga makahalin kag wala sang prospect sang US Military evacuation kun mag-invade ang Russia.
Suno diri, posible nga magsugod sa bisan ano nga oras ang invasion sang Russia samtang nagapadayon ang buildup sang ila tropa.
Suno sa iya, maskin ano nga oras makamando si President Vladimir Putin kag posible nga magsugod ini samtang nagapadayon ang Olympics apisar sang mga spekulasyon nga ini ang matabo pa pagkatapos sang Games.
Nagpasalig man ini nga sila ang preparado sa maskin ano nga oras kag handa man nga magpadayon sang mga resulta sang oriented diplomacy nga naga-address sang security concers sang Estados Unidos, Russia kag Europe.
Ginalauman naman nga makig-istorya si US President Joe Biden kay Putin pinaagi sa phone call suno kay Sullivan apang wala pa ini sang may i-anunsyar sa karun.
Disyembre sang tinalikdan nga tuig ulihi nga nag-istoryahanay si Biden kag Putin.
