Mga apektado sang naglabay nga mga bagyo, nagdangat sa halos tunga sa milyon ka pamilya – OCD

Nagdangat na sa 426,000 ka pamilya ukon 1.4 million ka mga persona ang apektado sa kalamidad santo sa pinakaulihi nga data nga ginpagwa sang Office of Civil Defense.

Ini ang ginkumpirmar man ni OCD Deputy Administrator Assistant Secretary Bernardo Rafaelito Alejandro IV.

Nalakip sa mga apektado nga lugar amu ang National Capital Region, Ilocos, Cagayan Valley, Central Luzon, CALABARZON, MIMAROPA, Bicol, Eastern Visayas, Central Visayas, kag Negros Island Region.

Nagikan sa nasambit nga mga rehiyon, ang Bicol Region ang nakarekord sang pinakamadamo nga pamilya nga gin-evacuate.

Ginsundan naman ini sang Eastern Visayas kag CALABARZON.

Sa karun, 92,000 ka pamilya ukon 318,000 ka mga persona ang yara sa kapin 6,000 ka mga evacuation center.