Ginpangunahan ni Negros Occidental Gov. Eugenio Jose Bong Lacson ang turn over ceremony sang mga kasapatan para sa bitkima sang Bagyong Odette sa local government units sa District 6.
Ang LGUs ang ginalakipan sang Sipalay, Hinobaan, Kabankalan, Ilog, Candoni, kag Cauayan, kag sila ang nakabaton sang baka, carabao, kanding, manok kag feeds.
Suno kay Lacson, ang Negros Occidental Typhoon Odette Livestock and Poultry Rehabilitation Program sang Department of Agriculture Region 6 kag provincial government nga may budget nga P36.5 million ang ila nga tikang agud marestore ang nahalitan nga livestock, poultry kag livelihood sang mga biktima sang Bagyong Odette.
Pahayag ni Lacson, yara na sa oblisgayon sang mga benepisyaryo sang ini nga programa nga mapadamo ang populasyon sang kasapatan nga sa bahin sang gobernador iya ginalauman nga mangin masanyog ang ini nga programa.
Samtang, sa bahin naman sang Provincial Animal Biosecurity Program, ginhatagan sang Hog Cholera vaccines nga nagabalor sang P2.9 million ang LGU’s sang Sixth District.
Samtang, yara man nagtambong si anay governor kag former kabankalan City Mayor Isidro Zayco Jr, nga suno diri nag-upod lang ini kay Lacson bangod nga may yara ini sang kinahanglan kag lahog man sini nga ginpahayag nga mapadalagan sa liwat sa magaabot nga eleksyon.
