Ginatumod pa sang mga otoridad ang identity sang mga armado nga persona nga nagtiro-patay sa 64 anyos nga lalaki matapos sa sulod sang iya balay sa Sitio Maabo, Barangay San Isidro, E.B. Magalona, Negros Occidental, kahapon sang aga, July 13, 2026.
Ginkilala lamang ang biktima nga si alyas “Gerry,” isa ka balo, kag residente sang nasambit nga lugar.
Sa interview sang Bombo Radyo Bacolod kay Police Captain Jyan Carlo Mania, Chief of Police sang EB Magalona Municipal Police Station, nabaton nila ang report alas 11:00 ang takna sang aga kag gilayon man sila nga nagresponde ng kapulisan sa pagpanguna sini kaupod ang Negros Occidental Provincial Forensic Unit, Provincial Exploitation and Cyber Unit-Negros, 1st Negros Occidental Provincial Mobile Force Company, kag Regional Mobile Force Battalion sang Negros Island Region para magpatigayon sang imbestigasyon.
Suno kay Mania, santo sa ila imbestigasyon kag pahayag sang testigo nga lima ka wala matumod nga armado nga mga persona ang nagsulod sa balay sang biktima.
Suno sa hepe ang biktima ang dead on the spot kag nakaagom ini sang tatlo ka igo sang bala sa magkatuhay nga bahin sang lawas sini.
Dugang pa sini nga ang mga armado nga tawo ang may dala nga malagba nga armas luthang.
Narekober sa crime scene ang İsa ka basiyo sang bala sang M16 rifle.
Sa karun, nagapadayon pa ang follow-up investigation sang kapulisan agud matumod ang suspek kag motibo sa krimen.
