Ginkumpirmar sang hepe sang Calatrava Municipal Police Station nga may yara sang pila ka armas nga nadiskubrehan nga ginapatihan ginapanag-iyahan sang New People’s Army sa bahin sang Barangay Maaslob, banwa sang Calatrava, Negros Occidenta matapos ang ginpatigayon nga operation sang militar kag counterparts sang mga ini sa Philippine National Police.
Sa interview sang Bombo Radyo Bacolod kay Police Major Ronald Santillan, nadiskubrehan sang katapo sang 79th Infantry Battalion, Regional Mobile Force Battalion 6, 1st Negros Occidental Provincial Mobile Force Company, kag 6th Special Action Battalion PNP-SAF ang mga war materials.
Suno kay Santillan, narecover sang mga otoridad ang M14 Rifle nga may magazine kag mga live ammunitions, M16 magazines, clips para sa Garand rifle, commercial radios kag subversive documents.
Ang subersibo man nga dokyumento ang nangin basehan sang mga otoridad agud nga patihan nga ginapanag-iyahan ini sang mga rebelde nga grupo.
Ang recoveries ang yara na sa paghinakop sang 79th IB sang Philippine Army para sa validation.
