Ginabanta kapin 100 mil ka mga pumuluyo ang nagpadulong sa Bacolod City Government Center agud nga maglantaw sang mga performances sang artista kag mga singers nga sanday Piolo Pascual, Moira Dela Torre, KZ Tandingan, TJ Monterde kag madamo nga iban pa kagab-i.
Temprano pa lang madamo na ang naghulat nga mga pumuluyo sa Bacolod City Government Center Grounds agud magsaksi sang mga performances sang mga nasambit nga personalidad.
Ginpasalamtan sang mga artists ang mga pumuluyo matapos nga naghulat gid ang mga ini sang ila nga performance apisar nga tuman kainit ang lugar.
Suno sa actor nga si Piolo Pascual, ginapasalamatan sini ang mga pumuluyo kag nagalaom ini nga ang partnership sang nasambit nga digital online game ang indi lang magtapos sa Bacolod Masskara kundi ang iban pa nga Local Government Unit sa Negros Occidental ang mapartner man diri.
